للبيع بسعر مغري ~

السلآم عليكم ورحمة الله وبركاته

طلعت من هايبر ماركت قبل شوي وانا بركب موتري الا اشوف هاك الاعلان على قزاز الهايبر ماركت

" بيت للبيع وقريه كامله للبيع لظروف السفر والابتعاث .. وبسعر مغري بترافيان "

وحاط رقم جواله , المهم وانا ادق عليه قلت غديه بيبيع ومحتاج ونستفيد كم قرش بعد ترميم البيت ..

وجلست أفكر وين هالحي فيه الي اسمه ترافيان , مايهم يمكن من الاحياء الجديده وطقتها ..

وانا الي أدق ومير طآل عمرهـ حاط صدى اغنية طلال مداح كنغمة رن " مقادير ياقلب العناء " :(

قلت شكل عنده ظروف قاهره والرجال غرقان لشوشته ويبي يبيع بأسرع وقت ..

وارجع ريوس واشق الاعلان قلت لاحد يشوفه ويخرب علينا البيعه ويسبقنا
المهم رد .. مرحبا

أنآ : السلام عليكم

هو : عليكم السلام

أنآ : كيف حالك اخوي ان شاء الله تمام

هو : الحمدلله

أنآ : شفت اعلانك لبيع البيت .. البيت جديد ولا قديم ؟

هو : جديد من بدايات 2009

أنآ : كم سيم و كم حدك يالغالي ؟

هو : منيب طماع وتراي سمح

وانا الي اقول بقلبي غدي الدرج مفصول أرغب له وفيه مسبح وبايكه وبيت شعر ومكيفات اسبيلت والبويه فيلفت ..

المهم أنآ : وش المواصفات ؟

هو : اخوي من جد فرصه لاتفوتك

, اسم الولد الله يسلمك

أنآ : محمد

هو : هذي الموصفات يابو محمد .. قريتي في ترافيان

وانا الي اهوجس واقول شكله مطنوخ راعي قرى وشاليهات ومنتزهات

أنآ : الله يزيدك من نعيمه

هو : عدد السكان 4077 , لها 6 قرى فرعية

أنآ : ماشاء الله تبارك الله

هو : اشتراك قوي 20 على السيرفر , ترتيب القرية 1250 , فيها320 ذهب

قلت شكل البير الارتوازي يسمونه ذهب من زود غلاه

[size=9][size=12]هو : والمطلوب 1500 ريال يالشيخ

أنا : وش الي بـ 1500

قلت بقلبي شكله مكثر اللبن او ان البيت فيه إنّ , وش هالسعر .. اكيد انه مهوب صاحي لا بالله 1500 اكيد مهبول ولا يحسبني باستاجر يومي

أنا : بكم ؟

هو : 1500

]وانا الي اصرخ : انت صادق ولا تمزح ؟

هو : جاد يابو محمد ولولا الظروف قسم بالله ما ابيعها]

أنا : الصك باسمك ؟؟ البيت عليه مشاكل ارث او غيره ؟ الحي معتمد من الامانه ؟ الخدمات واصله ؟؟

هو : ياخوي انت وش فيك اي ارث واي مشاكل واي خدمات " وهو الي يحطه على السبيكر "

قلت شكلي احرجته والرجال حساس

أنا : والبيت وينه فيه ؟؟؟

هو : بترافيان

أنا : وترافيان باي مكان ؟

هو : ايش ؟

من قال ايش قلت شكلي غلطت

أنا : يالشيخ الله يطول بعمرك حي ترافيان وين مكانه فيه ؟

هو : تستهبل انت ؟

أنا : لا والله منيب استهبل اول مره اسمع بالحي

هو : اي حي ؟

أنا : الي انت باني فيه حي الترافيان

وهو يضحك واسمع ضحكات من حوله اثره حاطه ع السبيكر

هو : انت ماعندك كمبيوتر ؟

أنا : الا

هو : ولا عمرك دخلت ترافيان ؟

أنا : ابد , حدي منتديات الاسهم

هو : ترافيان لعبه واشتراك السيرفر33

أنا : وشوووووو ؟

وانا الي اقطع الخط

ويجلس يدقدق وانا الي مارديت عليه .. وارقام غريبه تدقدق بعد

وتاليها

حسبي الله ونعم الوكيل هو الي يرسل لي رساله

حياك الله يابو محمد على النزاله حاطين عشاء في بيتنا الجديد بترافيان .. هههههههههههههههههههههه "

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

هههههههههههههههههههههههههههههههههههههههههههههههههههههههههههههههههههههههه

يحلييييييييييييله والله

اييي بطنــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــي يحليلهـ ايتلش فيهمـ ..